A VILA

  • Situación xeográfica: Caldas está situada ó NO da provincia de Pontevedra, na ribeira do río Umia, no punto onde se orixina o Val do Salnés, que extende as súas fértiles veigas ata o mar.

    Caldas de Reis sitúase xeograficamente na latitude 42º 36' norte e lonxitude 8º 38.5'. O Código Xeográfico nos mapas é o 36050 e a súa altitude sobre o nival do mar 24 metros.

    A estrada N-550, A Coruña-Vigo, atravesa a vila, uníndoa coa capital da provincia, da que dista 21 km., e con Santiago, capital da Comunidade Autónoma, da que a separan 36 Km. Precisamente, dita estrada N-550 é unha das de maior tráfico rodado, non só de Galicia, senón de toda España. Esto convirte o casco urbán de Caldas (punto negro da circulación por estrada) en insoportable, sobre todo na tempada do verán, no que as retencións chegan a varios Km. en tódalas direccións, co engandido dos que retornan das praias. Tamén cómpre subliñar, non só o abundante tráfico, senón a correspondente contaminación ambiental e acústica. Todo isto esperamos soluccionalo coa tan reivindicada CIRCUNVALACIÓN. Seguimos esperando.

    • Atasco en Agosto

    Atasco na Travesía Sagasta. Agosto 1999

    As distancias aproximadas por carretera ás principais localidades son as seguintes:

  • Vilagarcía: 11 km.
  • Pontevedra: 21 Km.
  • Santiago de Compostela: 36 Km.
  • Vigo: 50 Km.
  • A Coruña: 100 Km.
  • Lugo: 127 Km.
  • Ourense: 123 Km.

    • Na actualidade, Caldas conta con 9 parroquias: Arcos da Condesa (Entidade Local Menor dende 1945), Santa María, San Andrés, San Clemente, Carracedo, Bemil, Saiar, Godos e Santo Tomás (casco urbán). A superficie é de 68,51 Km² e a poboación ascende a 9.430 habitantes, cunha densidade de 138 habitantes por km², distribuídos en 66 entidades de poboación. (datos I.N.E. 1998)

    Vista aérea dende Pedra do Pan

  • Río e parque xardín: a vila está atravesada polo río Umia, que ten unha abundante rede de afluentes e regueiros cunha grande riqueza pesqueira. Na ribeira do Umia, en pleno centro de Caldas, podemos atopar unha das paraxes con máis engado para o viaxeiro. Trátase do Xardín centenario, cunhas sesenta especies arboreas e arbustos dos cinco continentes. Está considerado un dos conxuntos botánicos máis interesantes da provincia, disfrutando do galardón de "Paraxe Pintoresco" dende 1962. Augas arriba (a uns 2 Km.), o río acada a súaa máxima beleza nunha grande fervenza, en perigo de destrucción na actualidade pola execución do temido proxecto do encoro.

    • ¡¡ ENCORO NON !!

  • Clima: tépedo e húmido, con periodo estival caracterizado pola escaseza de precipitacións. Temperaturas medias entre 14º/16º C. e 20º C. Humidade media anual 80%. Precipitacións 1800-2000 m.m. cunha forte reducción no verán.

  • Actividade económica: foise diversificando nos últimos tempos, pasando do predominio agrícola, a un maior peso do sector servicios (40%) e industrial (30%). Por sectores podemos destacar o seguinte:

  • Agricultura: cereais, millo e patacas. Según datos do Servicio de Extensión Agraria de 1998, o uso das 4.565 Has. de terra distribuese como sigue:
  • Labradío: 902
  • Pastos: 234
  • Forestais: 3.272
  • Superficie improductiva: 157
  • Gandeiría: vacún e porcino.
  • Actividades "tradicionais": destacan os canteiros de San Clemente e os campaneiros de Arcos da Concesa.
  • Mercado feiral: tódolos luns celébrase na rúa Real e Campo da Torre.

    • Mercado na rúa Real

    Mercado na rúa Real.

  • Praza de Abastos: aberta tódolos días da semán. Destacan as variedades de peixe e marisco frescos, carnes, verduras, frores e froitas.
  • Comercio: existen máis de 70 pequenos comercios minoristas distribuídos pola vila ó longo das principais rúas, sobre todo na rúa Real, que é o verdadeiro corazón comercial e histórico da vila.

    • Existe unha publicación chamada "Proyección de la provincia de Pontevedra. Municipios y comarcas" que recopila os datos socioeconómicos da recentemente constituída comarca de Caldas, formada polos municipios de Cuntis, Moraña, Portas, Valga, Pontecesures e Catoira. Destaca que dos sete municipios Caldas é os que conta con mayor tecido empresarial e de máis proxección e crecemento dos últimos anos. Un total de 609 licencias económicas contemplan dito dato, distribuídas da seguinte forma: Gandeiría (5), Contrucción (74), Minoristas (222), Fabricación (75), Mayoristas (32), Minería (8), Servicios (186) e Transportes (7). Sirva como comparativa o número de licencias totais de outros concellos: Cuntis (251), Moraña (208), Portas (122), Valga (227), Pontecesures (263) e Catoira (157).

    Actualmente a maioría dos comerciantes de Caldas integran a "Asociación de Comerciantes" que promove a actividade comercial en Caldas baixo o lema "Lo tienes todo y ... paseando". Despois de moitas promesas incumpridas, desde o martes día 11 de xaneiro de 2000, a Rúa Real é peatonal. Sempre reinvindiquei (a título persoal) esta medida e alegrome de que se recupere o casco antigo da vila. Tamén quero subliñar o meu profundo respeto ós comerciantes de Caldas polas súas inquedanzas, pero as consecuencias desta medida haberá que analizalas despois dun tempo prudente. Non creo que o governo local queira perxudicar a nadie. Todos temos que colaborar para promocionar esta Rúa, adecentandoa e facendo dela un lugar de lecer, concurrido e por suposto COMERCIAL. Fagamos un esforzo polo ben da vila.

    ¡ PEATONALIZACIÓN SI !

    Tamén destaca a integración dos comercios en modalidades financeiras como a utilización da tarxeta de pago de "Centrotiendas".

  • Industria: un dato a reseñar é a facturación superior ós 14.000 millóns de pesetas das catro primeiras empresas no ránking local: Clesa, Foresa, Clavo e Brenntag Química (catalogadas como grandes empresas ó superaren os mil millóns de facturación anuais). Tamén é importante mencionar que son 28 as empresas que facturan máis de 50 millóns ó ano, e que sumadas ascende a 18.000 millóns, dato que fai de Caldas a terceira vila na lista de municipios máis industriais do entorno de Pontevedra, detrás de Poio e Marín, e sen ter en conta a capital (Pontevedra). Sen embargo a situación empresarial de Caldas contradise coa ausencia de un polígono industrial claramente definido. A posición industrial obedece, entre outras razóns, á "situación xeográfica" no eixo de comunicacións entre Vigo e A Coruña, con ferrocarril e portos cercanos.

  • Vila privilexiada: En Caldas conflúen 3 características fundamentais que tiveron unha vital importancia ó longo da súa historia, e sen as cales difícilmente entenderiamos a realidade actual:

  • Riqueza paisaxística e bondade climática.
  • Ubicación estratéxica na confluencia das principais vías de comunicación da provincia.
  • O fenómeno termal.
    •

    Fotografías dalgúns lugares emblemáticos