Festas: No seguinte cadro relacionanse tódalas celebracións da comarca e da vila (si fas "clic" nas festas patronais verás os carteis dos últimos 20 anos):

Xigantes e cabezudos nas festas.

O ENTROIDO E O ENTERRO DA SARDIÑA: Estas festas celébranse como preludio da Cuaresma e contitúen en Caldas unha entusiasta exaltación de disfraces e gastronomía.
Ata os últimos anos só había que poñerse uns faldrapos (choqueiros), saír á rúa, esquecerse de todo e "vacilar" amigos, familiares, veciños e a todo aquel que se atopase sen disfrazar.
Hoxe en día o entroido sofre unha "comercialización" con infinidade de desfiles, concursos e apetecibles premios económicos que fan desta festa un puro e duro negocio mercantilista, onde pais, e sobre todo fillos, compiten por estar máis engalanados que os seus conveciños. ¡Esperemos que todo isto cambie para ben!
Os días fortes de celebración son o Sábado e Martes, e como colofón, o Mércores de Cinza chega o "ENTERRO DA SARDIÑA", no que se "chora" o remate do entroido. Esta representación pagana data de moitos anos atrás, sempre organizada pola taberna O Muiño. Este último ano (1999) foi organizada polo Concello e a idea para próximos anos é de seguir así, saíndo a comitiva do Paseo Román López.